فیس بک اسرائیل تعاون

by Munsab Ali Tue Mar 11, 2014 3:58 pm

یورپ کے کچھ حقوقیوں نے اسرائیل کی طرف سفر کی ٹھانی تاکہ مسئلہ فلسطین کے حق میں کچھ مظاہروں میں شرکت کی جاسکے، اور ظاہر سی بات ہے کہ انہوں نے اپنے اس پلان کے حوالے سے فیس بک پر گفتگو بھی کی اور ایک دوسرے سے رابطہ بھی رکھا، اسرائیل کی حکومت نے فیس بک کے تعاون سے ان لوگوں کی ایک فہرست تیار کی جن کی تعداد 310 تھی اور اسے یورپ کی تمام ائیر لائن کمپنیوں کو ارسال کیا تاکہ انہیں اسرائیل آنے سے روکا جاسکے تاہم کچھ لوگ واقعی اسرائیل پہنچنے میں کامیاب ہوگئے لیکن انہیں ہوائی اڈوں اور بارڈروں پر روک لیا گیا اور ان کے ساتھ تفتیش کرنے کے بعد انہیں واپس بھیج دیا گیا.

چلیے اب کون فیس بک چھوڑ کر گوگل پلس پر منتقل ہونے کے لیے تیار ہے؟ مگر رکیے… اس بات کی کیا ضمانت ہے کہ گوگل بھی ایسی کوئی حرکت نہیں کرے گا؟ شاید ہمیں اپنے بلاگوں اور فورموں پر واپس چلے جانا چاہیے یا پھر فیس بک کے طرز کا اپنا ہی ایک پلیٹ فارم تیار کرنا چاہیے لیکن پہلے گھنٹی کون باندھے گا؟