گوگل نے کی زندگی آسان

by Munsab Ali Sat Jul 12, 2014 1:32 pm

[rtl][size=30]گوگل نے کی زندگی آسان[/rtl][/size]

گوگل نے کی زندگی آسان 495x278x9798_27513198.jpg.pagespeed.ic.i3srskX4eH

[rtl]
انٹرنیٹ کی دنیا پر گوگل کے نام سے کون واقف نہیں مگر کیا آپ کو وہ زندگی یاد ہے جو اس سرچ انجن کی آمد سے قبل ہم گزارتے تھے؟ اس میں کتنی مشکلات تھی ، کاغذی نقشے استعمال کرنا پڑتے تھے، زبانیں سیکھنا پڑتی تھیں اور اپنے پاس ایک ڈکشنری بھی رکھنا پڑتی تھی۔ مگر آج کیا ان کی ضرورت محسوس ہوتی ہے؟ نہیں ناں؟ یہی تو دنیا کی سب سے مقبول ترین ویب سائٹ گوگل کا کمال ہے، تو یہ انوکھی فہرست دیکھیں جو بتاتی ہے کہ گوگل نہ ہوتا تو ہمارا کیا ہوتا۔ الفاظ کے ہجے یا اسپیلنگ :گوگل نہ ہوتا تو ہمیں اب بھی ہر لفظ کے اسپیلنگ یاد رکھنا پڑتے اور یہ کتنا مشکل ثابت ہوتا، اس بارے میں پاکستان جیسے ممالک کے ان بچوں سے پوچھیں جو انگریزی کا نصاب رٹ کر امتحانات میں کامیاب ہونے کی کوشش کرتے ہیں۔ لوگوں کی تلاش آسان :جی ہاں ہم سب جانتے ہیں کہ فیس بک کئی بار اس حوالے سے بیکار ثابت ہوتی ہے، اور اگر گوگل نہ ہوتا تو آپ فیس بک ہی کیسے تلاش کرتے؟ راستوں کی معلومات:اب ہمیں کسی کا گھر یا دفتر وغیرہ تلاش کرنے کیلئے اپنی حسیات یا نظر پر انحصار کرنے کی ضرورت نہیں، چاہے وہ چند قدم کے فاصلے پر ہی کیوں نہ واقع ہو، بلکہ گوگل میپ آخر کس لئے موجود ہے، کم از کم اسمارٹ فون صارفین میں تو یہ رجحان بہت عام ہے۔ کھانے پکانے کی تراکیب:آج کی نسل کو کھانا بنانے کی تراکیب یاد رکھنے کی ضرورت نہیں پڑتی۔ وہ تو کچھ نیا بنانے کیلئے سیدھا گوگل کا رخ کرتی ہے، اور اگر گھر میں پسند آنے والے پکوان کیلئے درکار اشیاء نہ ہوں تو کوئی بات نہیں، گوگل کہیں بھاگا تھوڑی جارہا ہے ۔کچھ اور ڈھونڈ لینا کونسا مشکل ہے۔ دفاتر میں تفریح:ہم سب جانتے ہیں کہ ہماری توجہ کی صلاحیت کہیں گم ہوکر رہ گئی ہے مگر کوئی پروا نہیں، گوگل کی بدولت ہم کئی نئی وڈیوز سے لطف اندوز ہورہے ہوتے ہیں یا کئی بار تو تفریحاً اپنے گھر کا پتا ہی گوگل سرچ پر ڈال کر دیکھتے ہیں کہ ہمارے آس پاس کیا چل رہا ہے۔ معروف شخصیات کے نام یاد رکھنا:گوگل امیج کے ذریعے اب ہمیں یاد رہتا ہے کہ آخر ایمی ایڈمز یا جنیفر لارنس کون ہے، ورنہ کیا اس سے پہلے چند ایک کے سوا ہالی وڈ فنکاروں کی شکلیں اور نام کسی کو یاد رہتے تھے؟ ڈرائیونگ کرنے کی مشکل سے نجات:ٹھیک ہے ابھی گوگل کی خود ڈرائیونگ کرنے والی گاڑیاں دستیاب نہیں، مگر امریکہ میں تو انہیں شاہرائوں پر چلانے کی اجازت ملنا شروع ہوگئی ہے اور وہ وقت دور نہیں جب ہم جیسے اناڑیوں کو گاڑی پارک کرنے کی مشکل سے نجات مل جائے گی۔ فلموں کی ریلیز کا وقت جاننا:اب ہر ایک جب چاہے گوگل پر سرچ کرکے جان سکتا ہے کہ اس کی پسندیدہ فلم کب ریلیز ہورہی ہے بلکہ وہ تو سینماء کی ٹائمنگ اور بکنگ تک کراسکتے ہیں، کیا اخبارات سے ایسی سہولت ملتی تھی؟ انگریزی سے ہٹ کر دیگر زبانوں کو سمجھنا:اب یہ جملہ دیکھ لیں Solíamos ser capaces de aprender idiomas, pero ahora sólo tiene que utilizar سمجھ نہیں آرہا ناں؟ گوگل ٹرانسلیٹ میں جاکر اسے باآسانی انگریزی میں پڑھا جاسکتا ہے۔ باہمی تکرار سے نجات:کیا آپ کو یاد ہے کہ قائداعظم کا پہلا اسکول کونسا تھا ؟ اگر آپ کے جواب کو کوئی دوست غلط بھی قرار دے تو بھی اس سے بحث کی ضرورت نہیں، بس سیدھا گوگل کھول کر سرچ کرکے جواب حاصل کرلیں۔ معروف اقوال یاد رکھنا:اگر کسی شخصیت کا قول پورا یاد نہیں آرہا تو گوگل کے آٹو کمپلیٹ فیچر کے ذریعے چند سیکنڈوں میں جانا جاسکتا ہے۔ الفاظ کے معنی یاد رکھنا:کئی بار لوگ گفتگو کے دوران ایسے الفاظ بول دیتے ہیں جو سمجھ نہیں آتے، تو بس اسمارٹ فون نکالیں اور گوگل سے اس کے معنی جان لیں۔ (نیٹ نیوز) ٭٭٭[/rtl]