سمندرکی تہہ میں انٹرنیٹ

by Munsab Ali Sat Jul 12, 2014 2:25 pm

[size=36]سمندرکی تہہ میں انٹرنیٹ[/size]

کام یابی سے سونامی کی پیشگی اطلاع ملنا ممکن ہو جائے گا

نیویارک میں یونیورسٹی آف بفیلو سے منسلک تحقیق دان زیر ِ سمندر انٹرنیٹ نیٹ ورک کی تیاریوں میں ہیں، جسے انہوں نے ’’ڈیپ سی انٹرنیٹ‘‘ کا نام دیا ہے۔اگر زیرِِ سمندر انٹرنیٹ کے استعمال کا تجربہ کام یاب ہو گیا تو اس سے نہ صرف سونامی کی پیشگی اطلاع ملنا ممکن ہو جائے گا، بل کہ ساحل سے کچھ فاصلے پر قدرتی گیس اور تیل کی کھدائی اور ان کی دیکھ بھال وغیرہ میں بھی آسانی ہو جائے گی۔اس پروجیکٹ سے منسلک توماسو میلوڈیا کا کہنا ہے کہ سمندر کی تہہ میں موجود وائی فائی انٹرنیٹ نیٹ ورک نہ صرف بروقت ڈیٹا جمع کرنے میں مدد دے گا، بل کہ یہ معلومات اسمارٹ فون اور کمپیوٹر پر بھی دست یاب ہو سکیں گی۔ خاص طور پر اس وقت جب سونامی وغیرہ آنے کا اندیشہ ہو۔زیرِ سمندر انٹرنیٹ کا نظام حال ہی میں دریائے ایری میں ٹیسٹ کیا گیا۔ توماسو میلوڈیا اور ان کے ساتھی تحقیق دانوں نے سمندر میں چالیس پاؤنڈ وزنی دو سینسرز لگائے، لیپ ٹاپ پر کمانڈ ٹائپ کی اور چند ہی سیکنڈز میں انٹرنیٹ نے کام کرنا شروع کر دیا۔توماسو میلوڈیا کا کہنا ہے کہ زیرِ سمندر انٹرنیٹ بہت سے مقاصد کے لیے استعمال کیا جا سکتا ہے جیسا کہ اسے مچھلیاں اور سمندری مخلوق کی مانیٹرنگ کے لیے بھی استعمال کر سکتے ہیں تاکہ آبی مخلوق کو سمندری ٹریفک اور دیگر خطرات سے بچایا جا سکے۔ اس کے استھ ہی زیرِ سمندر انٹرنیٹ سے بہت کچھ کرنا ممکن ہوگا۔