قبول اسلام

by Munsab Ali Fri Mar 14, 2014 4:40 pm

یریدون لیطفئوا نوراللہ بافواھھم واللہ متم نورہ ولو کرہ الکافرون ۔
ھوالذی ارسل رسولہ بالھدی ودین الحق لیظھرہ علی الدین کلہ ۔ولو کرہ المشرکون۔(سورۃ الصف:9،
ترجمہ : یہ لوگ چاہتے ہیں کہ اللہ کے نور کو اپنی پھونکوں سے بجھادیں اور اللہ اپنے نور کو پورا کر کے رہے گا۔خواہ کافرون کو کتنا ہی ناگوار ہو۔وہی تو ہے جس نے اپنے رسول کو ہدایت اور سچا دین دے کر بھیجا تاکہ اسے سب دینوں پر غالب کردے اگرچہ مشرکوں کو کتنا ہی ناگوارہو۔
قصور میں سات قادیانیوں کا قبول اسلام
پنجاب کے ضلع قصور اڈانور پور نہر میں قادیانیوں کے مقامی صدر امان اللہ سیال کی طرف سے مسلمانوں کو دیے گئے مناظرہ چیلنچ کے جواب میں علاقہ کے مقامی مسلمان علماء کرام نے اس کے ڈیرے پر قادیانیوں سے مناظرہ کیا ۔اور اسلام کی حقانیت کے ٹھوس دلائل دیے جس پر قادیانی عہدیدار لاجواب ہوگئے اور شکست تسلم کرلی ۔ فللہ الحمد
اس واقعہ سے متاثر ہوکر قادیانی جماعت کی ضلعی سیکرٹری مرزا شمیم نوید سمیت مرزا شوکت علی ، مرزا عباس سندھی ، مرزانویداحمد،مرزا ذیشان ، مرزا شفیق اور مرزا عنایت اللہ کل سات افراد نے اسلام قبول کرنے کا اعلان کیا ۔مذکورہ افراد کے اعزاز میں جامعہ مسجد محمد یہ اڈا نور پور نہر میں چوہدری سکندر حیات سیال ایڈوکیٹ ،اور علاقے کے سماجی متحرک کارکن شیخ محمد ریاض کی سرپرستی میں ایک تقریب منعقد کی گئی جہاں مولانا حافظ محمد اعجاز ابو یحیی اور مولانا خوشنود علی نے سات قادیانیوں کو سینکڑوں افراد کی موجودگی میں کلمہ طیبہ پڑھا کر حلقہ اسلام میں داخل کیا اور بعد میں تمام حاضرین میں مٹھائی تقسیم کی گئی ۔
نومسلم افراد کے اسلامی نام محمد شوکت علی ۔،محمد عباس حنیف ،محمد نوید،عنایت اللہ ، محمد ذیشان ، محمد شفیق اور شمیم نوید رکھے گئے جبکہ مقامی قادیانیوں کی طرف سے اسلام قبول کرنے والے افراد کو دوبارہ قادیانی بناے کے لئے قتل کی دھمکیاں دی جارہی ہیں ۔
تمام مسلمانوں سے التماس ہے کہ نومسلم بھائیوں کی استقامت کے لئے دعا کریں ۔ اور ان کی ہر مشکل میں شانہ بشانہ رہیں ۔ اللہ ہم سب کو صحیح معنی میں دین اسلام کو سمجھنے اور آگےپہنچانے اور پھر ہم سب کو عمل کی توفیق بخشے۔ آمین